Leleimatangi talavou Aussie Rules mei Tonga

Na’e tu’uta mai ‘a Alexander Fungavaka ‘o Holonga Tongatapu´ he ‘aho 1 Mē, ‘i he sikolasipi ‘a e Tonga Australian Football Association (TAFA).

Ko e sikolasipi ni na’e ma’u ‘e Alex tu’unga 'i he’ene va’inga lelei, ako lelei mo e ‘ulungaanga lelei foki. Na’e ako ‘a Alex ‘i Beulah College (Form 4), Tongatapu. ‘Oku´ ne lolotonga ako he taimi´ ni ‘i he Norwood-Morialta High School ‘i Rostrevor.

‘Oku kau foki 'a Alex he timi Aussie Rules ‘a e ‘apiako´ pea to e kau he timi ‘a e Hectorville Sporting Club U15 ‘i McGill. To e kau foki he ifi orchestra ‘a e ‘apiako mo e ifi tua’a ko e Tea Tree Gully Redbeck.

‘E fe’unga e nofo ‘a Alex mo e mahina ‘e 6, ko e lōloa pe ia ‘o e sikolasipi´. ‘Oku totongi pē ‘e he TAFA´ ‘a e ako ‘a Alex. Ko ‘ene nofo´ ‘oku fakapa’anga mo poupou pe ki ai ha ngaahi famili haafe Tonga ‘i Adelaide´ ni.

Vbt