Lavea ki'i ta'ahine he fakatu'utamaki he hala

Fonuafo'ou Sikalu 'i Adelaide

'Oku lolotonga tokoto foki 'i he falemahaki Royal Adelaide Hospital ha ki'i taahine ko Lesieli Fangaloka, koe hoko kiai ha fktamaki he hala pule'anga 'i he vaha'a hala koia 'o Robinvale pea mo Mildura he pongipongi Sapate ko hono 11 'oe mahina ni ai pe. Ko Lesieli foki 'oku nofo Mildura, kae fktatau ki he ongoongo ne ma'u, ne nau lava atu ki Robinvale ki ha me'a fk'eiki na'e fkhoko ai pea ko'enau foki 'eni hili pe 'a hono tanu 'oe me'a fk'eiki 'o hoko ai 'ae fktamaki ni.

Na'e 'ikai ke toe 'iai ha taha e hoko kiai ha lavea. Na'e hao pe 'ae fk'uli pea pehe ki he toenga 'oe kau pasese, kae pau leva ke fkvavevave'i mai 'a Lesieli ki Adelaide ni. Pea ne lava aipe 'ae faito'o na'e fkhoko ki ai he efiafi Tu'apulelulu 15 'o e mahina ni aipe. 'Oku mo'ui lelei aipe mo fklakalaka ai pe ki mu'a ae tokotaha ni pea pehe ai pe ki he ongo matu'a a Lesieli 'oku na 'i heni 'a ia ko Saia mo Mapa Fangaloka. Pea 'oku fkfuofua na'a lava ke nau toki foki atu ki Mildura he fk'osinga 'oe uike ni 'oka faingamalie aipe me'a kotoa.